ՀՈՎՀԱՆՆԻՍՅԱՆ ՌԱՖԱՅԵԼ ՆԻԿՈԼԱՅԻ

 ՔՐԵԱԿԱՏԱՐՈՂԱԿԱՆ ՎԱՐՉՈՒԹՅԱՆ ՊԵՏ, ԳԵՆԵՐԱԼ-ՄԱՅՈՐ

 

 

 

  ՕՐԵՆՔԻ ԳԵՐԱԿԱՅՈՒԹՅՈՒՆ ԵՎ ՊԱՏԻԺ

Պատժի կատարմանն առնչվող խնդիրներն իրավական պետությունում մշտապես ընկալվում են որպես արդար դատաքննության ինստիտուտի կայացման կարևոր և սկզբունքային բաղադրատարրեր այն իմաստով, որ մարդու իրավունքների գերակայությունը երաշխավորող ժողովրդավարական հասարակությունում արդար դատաքննությունը իր ավարտուն տեսքն է ստանում սոցիալական արդարության վերականգնման արդյունքում:

Հետևաբար քրեակատարողական ոլորտում պետության քաղաքականությունը, անկասկած, հասարակության ընդհանուր շահի և անհատի հիմնարար իրավունքների միջև արդարացի հավասարակշռության հայելին է, դրա պահպանման ողջամտության երաշխիքը:

Ուստի և մարդու հիմնական և անօտարելի իրավունքների գերակայության, սոցիալական արդարության վերականգնման, ինչպես նաև իրավատեր հասարակության ներկայիս հրամայականներով պայմանավորված՝ Հայաստանի Հանրապետության արդարադատության նախարարության քրեակատարողական ծառայությունը որդեգրել է ամբողջովին նոր մոտեցումներով արդյունավետ և ճկուն քաղաքականություն՝ միջազգայնորեն ճանաչված ձևաչափերով ապահովելով անազատության մեջ պահվող անձանց ողջամիտ և իրատեսական վերասոցիալականացման, հասարակության տարբեր շերտերի հետ կառուցողական համագործակցության, ինչպես նաև սոցիալական արդարության շարունակական վերականգնման գործընթացները:

Վստահաբար կարելի է փաստել, որ ասվածը, անշուշտ, ենթադրում  սոցիալական, իրավական և հակակոռուպցիոն ռազմավարության համատեքստում բարեփոխումների որակապես նոր և դինամիկ շրջափուլի մեկնարկ, ինչն ունակ է քրեակատարողական ոլորտում թափանցիկ և արդիական գործիքակազմի ներդրմամբ հասնելու պատժի կատարման իրական նպատակներին:

                                        ՔՐԵԱԿԱՏԱՐՈՂԱԿԱՆ ԾԱՌԱՅՈՒԹՅՈՒՆ

 

Ծնվել է 1961 թ. մայիսի 1-ին Շամխորի շրջանի Չարդախլու գյուղում:

1994 թ. ավարտել է ՀՀ ՆԳՆ բարձրագույն դպրոցը՝ իրավաբանի որակավորմամբ:

1979-1981 թթ. ծառայել է Խորհրդային բանակում:

1982-1983 թթ. ՆԳՆ քրեական պատիժների իրականացման վարչության թիվ 1 քննչական մեկուսարանի հսկիչ:

1983-1985 թթ. ԽՍՀՄ ՆԳՆ Վիլնյուսի հրամանատարական կազմի պատրաստման միջնակարգ մասնագիտացված դպրոցի կուրսանտ:

1985-1988 թթ. ՀՀ ՆԳՆ քրեական պատիժների իրականացման վարչության թիվ 6 ուղղիչ աշխատանքային հիմնարկի օպերատիվ մասի օպերլիազոր:

1988-1991 թթ. ՀՀ ՆԳՆ քրեական պատիժների իրականացման վարչության թիվ 6 ուղղիչ աշխատանքային հիմնարկի օպերատիվ-ռեժիմային բաժնի օպերլիազոր:

1991-1992 թթ. ՀՀ ՆԳՆ քրեական պատիժների իրականացման վարչության թիվ 1 քննչական մեկուսարանի օպերատիվ խմբի ավագ օպերլիազոր:

1992-1993 թթ. ՀՀ ՆԳՆ քրեական պատիժների իրականացման վարչության թիվ 1 քննչական մեկուսարանի օպերատիվ բաժնի պետ:

1993-1994 թթ. ՀՀ ՆԳՆ քրեական պատիժների իրականացման վարչության թիվ 1 քննչական մեկուսարանի օպերատիվ գծով պետի տեղակալ:

1994-1996 թթ. ՀՀ ՆԳՆ քրեական պատիժների իրականացման վարչության թիվ 1 քննչական մեկուսարանի պետի ժամանակավոր պաշտոնակատար:

1996-2000 թթ. ՀՀ ՆԳՆ քրեական պատիժների իրականացման վարչության թիվ 2 ուղղիչ աշխատանքային հիմնարկի պետ:

2000-2000 թթ. ՀՀ ՆԳՆ քրեական պատիժների իրականացման վարչության թիվ 1 քննչական մեկուսարանի պետ:

2000-2001 թթ. ՀՀ ՆԳՆ քրեական պատիժների իրականացման վարչության թիվ 2 ուղղիչ աշխատանքային հիմնարկի պետ:

2001-2001 թթ. ՀՀ ՆԳՆ քրեական պատիժների իրականացման վարչության թիվ 6 ուղղիչ աշխատանքային հիմնարկի պետ:

2001-2005 թթ. ՀՀ ԱՆ «Կոշ» քրեակատարողական հիմնարկի պետ:

2005-2009 թթ. ՀՀ ԱՆ քրեակատարողական վարչության պետի տեղակալ:

2009 թ. նշանակվել է ՀՀ ԱՆ քրեակատարողական վարչության պետի առաջին տեղակալ:

03.09.2011 թ. ՀՀ նախագահի հրամանագրով շնորհվել է «արդարադատության գեներալ-մայոր» կոչում:

2018 թ. հունվարի 28-ին ՀՀ նախագահի հրամանագրով նշանակվել է Հայաստանի Հանրապետության արդարադատության նախարարության քրեակատարողական վարչության պետ:

Ամուսնացած է, ունի երկու դուստր, մեկ որդի: