Արտակ Արամայիսի Հարությունյան

Ծնվել է 1968 թվականի նոյեմբերի 7-ին Երևան քաղաքում։

Կրթությունը

1986թ. ավարտել է Երևանի թիվ 96 միջնակարգ դպրոցը։

1987թ. ընդունվել և 1993 թվականին գերազանցությամբ ավարտել է Երևանի պետական համալսարանի իրավաբանական ֆակուլտետը իրավագիտություն մասնագիտությամբ, ստացել է իրավաբանի որակավորում:

Ծառայությունը զինված ուժերում

1988-1989թթ. ծառայել է Խորհրդային բանակում։

Աշխատանքային գործունեությունը

1993-2002թթ. աշխատել է ՀՀ դատախազության համակարգում, որի ընթացքում զբաղեցրել է հետևյալ պաշտոնները՝

1993-1994թթ. Երևանի Շենգավիթի շրջանի դատախազությունում որպես ստաժոր։

1994-1997թթ. Երևանի Մյասնիկյանի շրջանի դատախազությունում որպես քննիչ, ապա՝ ավագ քննիչ։

1997-1998թթ. Երևան քաղաքի դատախազությունում որպես հատկապես կարևոր գործերի քննիչ։

1998-2002թթ. ՀՀ գլխավոր դատախազությունում որպես ՀՀ գլխավոր դատախազին առընթեր հատկապես կարևոր գործերի քննիչ, որի ընթացքում՝ ՀՀ գլխավոր դատախազությունում տեղի ունեցած կառուցվածքային փոփոխությունների արդյունքում՝ ՀՀ գլխավոր դատախազության քննչական վարչության հատկապես կարևոր գործերի քննիչ,

2002-2004թթ. Աշխատել է նորաստեղծ ՀՀ քաղաքացիական ծառայության խորհրդի աշխատակազմում՝ զբաղեցնելով աշխատակազմի վերահսկողության վարչության պետի պաշտոնը,

2004 թվականի մարտ-հոկտեմբեր ամիսներին աշխատել է Հայաստանում «Դայմլեր-Քրայսլեր» կոնցեռնի գլխավոր ներկայացուցչությունում՝ «Ավանգարդ Մոթորս» ՍՊԸ-ում որպես փոխտնօրեն,

2004-2005թթ. ՀՀ գլխավոր դատախազության քննչական վարչության հատկապես կարևոր գործերի քննիչի պաշտոնը,

2005-2007թթ. ՀՀ գլխավոր դատախազության գիտաուսումնական կենտրոնում որպես գիտաշխատող, ամբիոնի վարիչի պաշտոնակատար, գիտաուսումնական կենտրոնի ղեկավարի տեղակալ,

2007-2008թթ. հանդիսացել է «Դատախազության դպրոց» ՊՈԱԿ-ի առաջին տնօրենը,

2008-2014թթ. զբաղեցրել է գլխավոր դատախազության կազմակերպական-վերահսկողական, իսկ այնուհետև՝ ՀՀ գլխավոր դատախազության վերահսկողական-տեսչական վարչությունների պետի պաշտոնները,

2009-2014թթ. եղել է ՀՀ դատախազության կոլեգիայի անդամ, ՀՀ գլխավոր դատախազին առընթեր գիտամեթոդական խորհրդի անդամ,

2014 թվականի օգոստոս-հոկտեմբեր ամիսներին ՀՀ ոստիկանության պետի գլխավոր խորհրդական,

2014-2015թթ. ՀՀ ոստիկանության ճանապարհային ոստիկանության պետ,

2015-2017թթ. գտնվել է ՀՀ ոստիկանության կադրերի ռեզերվում,

2017 թվականի մայիս-սեպտեմբեր ամիսներին աշխատել է ՀՀ ազգային անվտանգության ծառայությունում որպես ՀՀ ազգային անվտանգության ծառայության տնօրենի օգնական։

22.07.2019թ. ՀՀ արդարադատության նախարարի հրամանով նշանակվել է ՀՀ ԱՆ քրեակատարողական ծառայության պետի առաջին տեղակալ:

Շնորհված կոչումներն ու դասային աստիճանները

ՀՀ քաղաքացիական ծառայության խորհրդի աշխատակազմի վերահսկողության վարչության պետի պաշտոնում աշխատած ժամանակահատվածում շնորհվել է քաղաքացիական ծառայության առաջին դասի խորհրդականի դասային աստիճան։

29.06.2013թ. ՀՀ նախագահի հրամանագրով շնորհվել է  արդարադատության երրորդ դասի պետական խորհրդականի բարձրագույն դասային աստիճան:

22.10.2014թ. ՀՀ նախագահի հրամանագրով շնորհվել է ոստիկանության գեներալ-մայորի բարձրագույն կոչում։

Խրախուսումներն ու պարգևատրումները

Ծառայողական պարտականությունները բարեխիղճ կատարելու համար մի շարք պետական մարմինների ղեկավարների համապատասխան հրամաններով պարգևատրվել է մեդալներով, պատվոգրերով, շնորհակալագրերով, այդ թվում՝

ՀՀ պաշտպանության նախարարի հրամանով՝ «Անդրանիկ Օզանյան» մեդալով,

ՀՀ արտակարգ իրավիճակների նախարարի հրամանով՝ «Համագործակցության հանուն փրկության» մեդալով,

ՀՀ գլխավոր դատախազի հրամանով՝ «ՀՀ դատախազության կազմավորման 95-րդ ամյակի» մեդալով, շնորհակալագրով,

ԼՂՀ գլխավոր դատախազի հրամանով՝ շնորհակալագրով,

ՀՀ նախագահի հրամանագրով՝ «Մխիթար Գոշ» մեդալով:

 Վերապատրաստումներ

1999 թվականի մարտին և սեպտեմբերին Նիդերլանդների Թագավորությունում և ԱՄՆ-ում մասնակցել է դատախազության աշխատողների վերապատրաստման և որակավորման բարձրացման դասընթացներին, ստացել է որակավորման սերտիֆիկատ։

2005 թվականին Հունգարիայում մասնակցել է ԱՄՆ Հետաքննությունների ազգային բյուրոյի կազմակերպած դատախազության աշխատողների վերապատրաստման և որակավորման բարձրացման դասընթացին, ստացել է որակավորման սերտիֆիկատ։

Մանկավարժական գործունեությունը

2002 թվականից տարբեր իրավական առարկաներ է դասավանդում մի շարք ուսումնական հաստատություններում։

Ամուսնացած է, ունի մեկ դուստր։